शब्द

शब्द

भाषा एक माध्यम
व्यक्त होण्याचं
शब्द देतात सामर्थ्य
भावना प्रकट करण्याचं

शब्दच ठरतात आधार
हळव्या दुखऱ्या मनासाठी
शब्दच ठरतात पाठीवरील थाप
नव्याने आभाळात भरारण्यासाठी

काही शब्द अलगद हळुवार
काही शब्द जळजळीत विखार
काही शब्द तलम अलवार
काही शब्द झगझगीत निखार

शब्द साधतात संवाद
कधी वाद तर कधी वितंडवाद
शब्द असतात एक शस्त्र
माणस जोडण्याचं प्रभावी अस्त्र

म्हणूनच घेऊन शब्दांची सोबत
करूया सर्व अडचणींवर मात
समजावून घेऊ एकमेकांना
राहू या सर्व आनंदात.

                      सौ. वैष्णवी विकास राऊत.