बाहुली-बालगीत

विषय - बाहुली (बालगीत)

बाहुली माझी छान छान
रंग तिचा गोरापान
घारे डोळे मिचकावुनी
इकडून तिकडे हलवी मान

नाचते छान तालावर
खळ्या पडती गालावर
राग तिच्या नाकावर
रुसून बसते माझ्यावर

माझ्यासंगे गप्पा मारी
सोबत हिंडे दुनिया सारी
नटण्याची तिला हौसही भारी
बाहुली माझी सुंदर परी

बाहुली नव्हे मैत्रीण माझी
खेळ खेळतो गमतीचे
आईबाबा पुसती मला
गुपित आमच्या जमतीचे

बाहुली माझी गोड-गोजिरी
मस्तीखोर तरी आहे लाजरी
शालू नेसून भारी भरजरी
नवरी आमची दिसे साजिरी

                सौ. वैष्णवी विकास राऊत.
                मुंबई.